Mae cwmni cymdeithasol yn un math o fenter gymdeithasol, ac mae'n arddel y tair gwerth sef Menter, Cyflogaeth a Grymuso.
Gan gyfuno agwedd fasnachol â chenhadaeth gymdeithasol, mae Cwmnïau Cymdeithasol yn cynnig gweithle cefnogol i bobl sy'n draddodiadol yn wynebu gwahaniaethu wrth geisio cael gwaith, gan gynnwys:
• Anabledd
• Rheoli problemau iechyd meddwl
• Cyn-droseddwyr
• Digartrefedd
• Pobl sydd wedi cael problemau camddefnyddio sylweddau yn y gorffennol
• Mamau sy'n ceisio ymuno â'r farchnad lafur neu ddychwelyd iddi
Nid gweithleoedd ar wahân mohonynt - Yn ddelfrydol, bydd gan tua 25-50% o'r gweithlu ryw anabledd neu anfantais gydnabyddedig, ond byddant yn gweithio mewn amgylchedd o alluoedd cymysg, sy'n adlewyrchu'r gymdeithas rydym yn byw ynddi. Maent hefyd yn fusnesau masnachol go iawn, sy'n anelu at gynhyrchu o leiaf 50% o'u hincwm drwy fasnachu, gan ddibynnu cyn lleied â phosibl ar gymorthdaliadau'r llywodraeth neu grantiau. Dylai Cwmni Cymdeithasol anelu at rymuso unigolion i fod y gorau y gallant fod - i gael cyflog cyfartal, hawliau cyfartal ac i ddatblygu a gwella eu hunain, beth bynnag fo'u cefndir.
Aelodaeth Lawn
Ar agor i Gwmnïau Cymdeithasol newydd, sy'n datblygu ac sydd wedi'u sefydlu'n llawn
Aelodaeth Gysylltiol
Ar agor i'r rhai sydd â diddordeb ym model Cwmnïau Cymdeithasol o fenter gymdeithasol:
• Mentrau Cymdeithasol – newydd, sy'n datblygu ac sydd wedi'u sefydlu
• Unigolion
Aelodaeth y Sector Cyhoeddus
Ar agor i gyrff y Sector Cyhoeddus sydd â diddordeb ym model Cwmnïau Cymdeithasol o fenter gymdeithasol
Aelodaeth Gorfforaethol – drwy wahoddiad yn unig
Ar agor i sefydliadau preifat sy'n cefnogi gwaith Cwmnïau Cymdeithasol Cymru ac sydd â diddordeb ym model Cwmnïau Cymdeithasol o fenter gymdeithasol. Mae angen eich cefnogaeth i gynorthwyo'n weithredol a helpu i gynyddu nifer y Cwmnïau Cymdeithasol yng Nghymru a'r Deyrnas Unedig