|
Ymunwch â ni i ddathlu ein henwebeion – a’n henillwyr – rhyfeddol yng Ngwobrau a Chynhadledd 2024 Busnes Cymdeithasol Cymru yn Venue Cymru ym mis Hydref.
Mae’r digwyddiad deuddydd hwn yn ddathliad o’r sector ac yn gyfle gwych i helpu i ffurfio’r ffordd rydym yn tyfu’r mudiad menter gymdeithasol yng Nghymru yn rhan o economi ffyniannus sydd wedi’i seilio ar y gymuned.
Mae Gwobrau Busnes Cymdeithasol Cymru a gynhelir bob blwyddyn yn dathlu mentrau cymdeithasol ledled Cymru sy’n cael effaith fawr yn lleol, yn genedlaethol ac yn fyd-eang.
Mae’r busnesau gwych hyn yn gweithio mewn meysydd fel adfywio tai, iechyd meddwl a lles, newid i economi sero net, a hyfforddi sgiliau cyflogadwyedd.
Nid seremoni wobrwyo gyffredin mohoni, ond teyrnged i’r ymdrechion diflino i ffurfio ein dyfodol.
Mae tocyn i’r gynhadledd yn addo cymysgedd o siaradwyr a safbwyntiau a fydd yn ysgogi’r meddwl.
Byddwch yn elwa o weithdai ar ystod o bynciau allweddol, yn ogystal â’r cyfle i gysylltu â phartneriaid o’r sectorau menter gymdeithasol, cyhoeddus a phreifat.
Ymunwch â gweithdai gan arbenigwyr ar:
-
Y Bunt Gymreig: Cadw cadwyni cyflenwi’n lleol
-
Rôl menter gymdeithasol wrth drawsnewid economïau lleol
-
Llwyddo a ffynnu mewn cyfnodau anwadal
-
Creu Cymru sy’n fwy cynhwysol a thosturiol
Bydd prif siaradwyr o fyd menter gymdeithasol, datblygu economaidd a buddsoddi yn rhannu gwybodaeth a fydd yn ysgogi’r meddwl.
Bydd Alwen Williams o Uchelgais Gogledd Cymru yn esbonio sut gall amgylchedd galluogol, yn ogystal â chymorth gan Uchelgais Gogledd Cymru, helpu busnesau cymdeithasol i ddatblygu, tyfu a ffynnu.
Bydd Marquis Caines yn ymuno â ni o Diversity X i rannu ei brofiad a’i wybodaeth ynglŷn â sut gall angylion buddsoddi, cyfalaf menter ac entrepreneuriaeth gymdeithasol gydweithio i greu newid ystyrlon.
Bydd Scott Darraugh o Social AdVentures yn esbonio sut mae busnesau a berchnogir yn ddemocrataidd sy’n cefnogi eu haelodau a’r gymuned ehangach yn allweddol i newid y ffordd y mae’r economi’n gweithio yng Nghymru, ac yn rhannu ei brofiad o sefydlu, cefnogi a dod o hyd i gyllid ar gyfer busnesau cymdeithasol.
Credwn y dylai – ac y gall – economi Cymru weithio’n wahanol.
Gallwch gyfrannu’n weithredol at ailddychmygu economi Cymru mewn ffordd sy’n rhoi Pobl a’r Blaned yn Gyntaf.
|